ඔස්ට්‍රේලියාවේ සංචාරයක යෙදී සිටියදී කාන්තාවක් දූෂණය කළ බව කියන බ්‍රිතාන්‍ය රැප් ගායකයෙකුට තවත් චෝදනා එල්ල වී තිබෙනවා.
“Yung Filly” ලෙසද හැඳින්වෙන 29 හැවිරිදි ඇන්ඩ්‍රෙස් ෆෙලිපේ නම් මෙම පුද්ගලයා හෝටල් කාමරයක් තුළ වයස අවුරුදු 20 ක කාන්තාවක් ලිංගික අපයෝජනයට ලක්කිරීම සම්බන්දයෙන් වරදකරු වනු ලැබුවා.
ඔහුට මේ වන විට අවසරයකින් තොර ලිංගික හැසීරීම යටතේ චෝදනා 4 ක් සහ ශාරීරික හානි සිදුකීරීම සම්බන්දව චෝදනා 3ක් එල්ල වී තිබෙනවා.
අධිකරණය විසින් එල්ල කල නව චෝදනාව වන ම්ලේච්ඡ ලිංගික හැසිරීම සහ කාන්තාවගේ ගෙල ප්‍රදේශය තද කරමින් ඇගේ හුස්ම ගැනීමට බාධා කිරීම යන චෝදනා ඔහු විසින් ප්‍රතික්ෂේප කරනු ලැබුවා.
පසුව අධිකරණය විසින් ඔහුගේ ඇප කාලය දීර්ඝ කල අතර අධිකරණ භූමියෙන් පිටව යන අවස්ථාවේ ඔහු මාධ්‍යයට කිසිඳු ප්‍රකාශයක් නොදුන් බවයි වාර්තා වන්නේ.
යූ ටියුබ් ග්‍රාහකයින් මිලියන 1.8 ක් සහ ඉන්ස්ටග්‍රෑම් සහ ටික්ටොක් අනුගාමිකයින් මිලියන ගණනක් සිටින මොහුගේ නඩුව සදහා දින 10ක අධිකරණ විභාගයක් 2026 වසරේ ජූලි 20 වෙනිදා ආරම්භ වීමට නියමිතයි.
