ඔස්ට්‍රේලියාවේ පාරිභෝගිකයන් බොහෝදෙනා ඇමරිකාවේ නිෂ්පාදන මිලදී ගැනීමෙන් වලකින බව නව පර්යේෂණයකින් හෙළි වී තිබෙනවා.
ඊට හේතුව වන්නේ ඇමරිකානු ජනාධිපති ඩොනල්ඩ් ට්‍රම්ප් පනවන ලද තීරු බදු බවයි වාර්තා වන්නේ.
Finder නම් අන්තර්ජාල ගණුදෙනු සැසදීමේ වෙබ් අඩවියක් විසින් කළ විශ්ලේෂණයකට අනුව, ඔස්ට්‍රේලියානුවන් 23%ක් දැනටමත් ඇමරිකානු භාණ්ඩ මිලදී ගැනීමෙන් ඉවත්ව සිටිනවා.
තවත් 31%ක් පමණ ඔස්ට්‍රේලියානුවන් ඉදිරියේදී ඇමරිකානු භාණ්ඩ වලින් වළකින බවද එම විශ්ලේෂණයේ දැක්වෙනවා.
ඊ අනුව මිලියන 11.6කට ආසන්න ඔස්ට්‍රේලියානුවන් පිරිසක් ඇමරිකානු නිශ්පාදන වලින් ඉවත් වනු ඇතැයි එම වෙබ් අඩවිය පුරෝකතනය කර සිටියා.
Finder හි පර්යේෂණ ප්‍රධානී ග්‍රෑහැම් කුක් පවසන්නේ මෙමඟින් ඇමරිකානු ආර්ථිකයට ප්‍රභල බලපෑමක් එල්ල වන බවයි.
තවද ඔස්ට්‍රේලියානුවන් දේශීය සන්නාමවලට යොමු වීමේ ඉඩකඩක්ද පවතින බව ඔහු කියා සිටියා.
