පැයට කිලෝමීටර් 300 ක වේගයෙන් යතුරු පැදියක් ධාවනය කළ පුද්ගලයෙකු සිඩ්නි පොලිසිය අත්අඩංගුවට ගෙන තිබෙනවා.
පසුගිය පෙබරවාරි මාසයේ Albion Park හිදී මෙම පුද්ගලයා යතුරු පැදිය වේගයෙන් ධාවනය කර ඇති අතර පොලිසිය ඔහු ලුහුබැඳ යාමේදී පළාගොස් තිබෙනවා.
යතුරු පැදිය වේගයෙන් ධාවනය කළ අවස්ථාවේ එය සිය Helmet එකේ සවි කළ කැමරාවකින් පටිගත කර සමාජ මාධ්‍ය වෙත මුදාහැරීමට ද මෙම පුද්ගලයා කටයුතු කළා.
මේ පිළිබඳ පොලීසිය විමර්ශනයක් ආරම්භ කළ අතර මාස කිහිපයකට පසු ඔහු අත්අඩංගුවට ගැණුනා.
එම අවස්ථාවේ ඔහු සතුව කෝකේන් මත්ද්‍රව්‍ය කුඩා ප්‍රමාණයක් ද තිබූ බව පොලිසිය පවසනවා.
පොලිසියට අවනත නොවීමේ චෝදනා දෙකක්, වේග සීමාව ඉක්මවා ධාවනය කිරීම සහ මත්ද්‍රව්‍ය ළඟ තබා ගැනීම යන චෝදනා ඔහුට එරෙහිව එල්ල වී තිබෙනවා.
ඔහු අද Manly ප්‍රාදේශීය අධිකරණයේ පෙනී සිටිමට ද නියමිතයි.
