බටහිර සිඩ්නි හි ගෑස් පිපිරීමක් හේතුවෙන් ගලවා ගැනීමේ මෙහෙයුමක් මේ වනවිට ක්‍රියාත්මක වෙමින් පවතිනවා.
පෙ.ව. 6.30 ට පමණ ක්ලැරන්ස් වීදියේ දෙවන මහලක බිත්තියක් පිපිරීමෙන් කඩා වැටුණා.
නිව් සවුත්වේල්ස් ගිනි නිවන සහ ගලවා ගැනීමේ අධිකාරී ඇඩම් ඩිව්බෙරි පැවසුවේ “සැලකිය යුතු හානියක්” එමගින් සිදුවී ඇති බවයි.
පිපිරීමෙන් ගොඩනැගිල්ලේ දෙවන මහලේ සුන්බුන් ඉවතට විසිවී ගොස් ඇති අතර එම කම්පනය අසල්වැසි දේපළවලටද දැනී ඇති බවයි ප්‍රදේශවාසීන් පවසන්නේ.
සුන්බුන් කඩාවැටීමෙන් පහළ නවතා තිබූ මෝටර් රථයක් ද විනාශවී තිබෙනවා.
සුන්බුන් අතර සිටි එක් පිරිමි පුද්ගලයෙකු රෝහලට රැගෙන ගිය බවයි ගිනි නිවන භටයින් කියාසිටියේ.
තවත් පුද්ගලයින් සෙවීමේ සෝදිසි මෙහෙයුම් ක්‍රියාත්මක වෙමින් පවතින බව ගිනි නිවන සහ ගලවා ගැනීමේ අධිකාරීවරයා මාධ්‍යයට සඳහන් කළා.
