දකුණු ඔස්ට්‍රේලියාවේ කදුවැටියක සිරවූ පුද්ගලයෙක් සති දෙකකට පසු නිරුපද්‍රිතව සොයාගැනීමට පොලිසිය සමත් වී තිබෙනවා.
දින 13කට ආසන්න කාලයක් අතුරුදන්ව සිටි කායිල් නමැති පුද්ගලයා Arkaroola Village ප්‍රදේශයේදී සොයා ගැනීමට හැකි වූ බවයි පොලිසිය සදහන් කර සිටියේ.
ඔහු සුදු පැහැති කුලියට ගත් වෑන් රථයක් කඳු අතර පදවමින් සිටියදී අතරමං වී තිබෙනවා.
පසුව ඔහු අතුරුදන් වී ඇති බවට ඔහුගේ පවුලේ සාමාජිකයින් පොලීසියට පැමිණිලි කරනු ලැබුවා.
පසුව ගුවන් ආරක්ෂණ නිලධාරීන්ගේද සහය ඇතිව දින ගනනක් පුරා ඔහුව සොයා ගැනීමට කටයුතු කර තිබෙනවා.
