ක්වීන්ස්ලන්ඩ් ප්‍රාන්තයේ පිහිටි Griffith විශ්වවිද්‍යාලය එහි සේවකයින්ට අඩු වැටුප් ගෙවූ බව පිළිගෙන තිබෙනවා.
රජයේ නිරීක්ෂණ ආයතනයක් වන Fair Work Ombudsman ආයතන වාර්තා වලට අනුව 2015 සිට 2024 දක්වා කාලය තුළ සේවකයින් 5,500 කට පමණ විශ්වවිද්‍යාල විසින් අඩු වැටුප් ගෙවූ බව සදහන් වනවා.
Fair Work Ombudsman සමඟ බලාත්මක කළ හැකි ගිවිසුමක් අත්සන් කිරීමෙන් පසු ඩොලර් මිලියන 8 කට වැඩි මුදලක් සේවකයින්ට ආපසු ගෙවීමට විශ්වවිද්‍යාලය එකඟ වී සිටියා.
විශ්වවිද්‍යාල පද්ධතිය තුළ බලපෑමට ලක් වූ සේවකයින් කලා, අධ්‍යාපන, නීති, ව්‍යාපාර, සෞඛ්‍ය සහ විද්‍යා අංශ හරහා සේවය කළ අය වන අතර ඔවුන්ගෙන් බහුතරයක් බ්‍රිස්බේන් හි සේවය කළ පුද්ගලයින් බවයි වාර්තා වන්නේ
ආහාර දීමනා නොගෙවීම, දුර්වල පුහුණුව සහ දත්ත රැස් කිරීම, automation නොමැතිකම, වැටුප් පද්ධති දෝෂ සහ ප්‍රමාද වැටුප් ගෙවීම් යන චෝදනා එම ආයතනය විසින් රජයට වාර්තා කර තිබෙනවා.
ආයතන ප්‍රධානී ඇනා බූත් පැවසුවේ විශ්ව විද්‍යාලය පරීක්ෂණ කටයුතු සදහා සහයෝගයෙන් කටයුතු කර ඇති බවයි.
