ඔස්ට්‍රේලියාවේ Black Friday අලෙවි ප්‍රවර්ධන වැඩසටහන් පිළිබඳව කළ වැරදි වෙළඳ දැන්වීම් සම්බන්ධයෙන් ප්‍රධාන සිල්ලර වෙළෙඳසැල් 3 කට දඩ මුදල් පනවා තිබෙනවා.
ඕස්ට්‍රේලියානු තරඟකාරී සහ පාරිභෝගික කොමිසම [Australian Competition and Consumer Commission] ACCC විසින් ඔවුන්ට $ 19,800 ක් බැගින් දඩ නියම කර ඇති බවයි වාර්තා වන්නේ.
Michael Hill Jeweller, Hairhouse Warehouse Online සහ Global Retail Brands Australia එම වෙළෙඳසැල් වනවා.
ACCC නියෝජ්‍ය සභාපති කැට්‍රියෝනා ලෝව් [Catriona Lowe] පවසා ඇත්තේ එම වෙළඳසැල් online advertisement හරහා Sitewide සහ Everything on sale වැනි වචන භාවිතා කිරීමෙන් විකුණුම්වල ස්වභාවය පිළිබඳව පාරිභෝගිකයින් නොමඟ යවා ඇති බවයි.
සිල්ලර වෙළෙන්දන් විසින් ව්‍යාජ මවාපෑම් යටතේ පාරිභෝගිකයින් ආකර්ෂණය කර ගැනීමට එවැනි වචන භාවිතා නොකළ යුතු බවයි ඇය වැඩිදුරටත් පෙන්වා දෙන්නේ.
EOFY (අවසන් වාර්ෂික මස) අලෙවි අවස්ථා අතරතුර ද වංචාකාරී දැන්වීම්වලට ACCC දැඩි අවධානයක් යොමු කරනු ඇති.
පාරිභෝගික ආරක්ෂාව පිළිබඳ නීති උල්ලංඝනය කරන්නේ නම්, දැඩි ක්‍රියාමාර්ග ගන්නා බවයි ACCC අවධාරණය කර ඇත්තේ.
