රෝගයක් හඳුනා ගැනීමට සිදුකරන වේදනාකාරී ක්‍රියාවලිය අවසන් කිරීම වෙනුවෙන් මෙල්බන් පර්යේෂකයින් පිරිසක් විසින් නව රුධිර පරීක්ෂණ ක්‍රමයක් වැඩිදියුණුකර තිබෙනවා.
ඕස්ට්‍රේලියානුවන් 350,000 කට වැඩි පිරිසක් coeliac රෝගයෙන් පෙළෙන බවට ගණන් බලා ඇති බවයි වාර්තා වන්නේ.
වත්මන් රෝග විනිශ්චය ක්‍රියාවලියට අනුව නිවැරදි පරීක්ෂණ ප්‍රතිඵල සහතික කිරීම සඳහා රෝගීන් සති ගණනාවක් ග්ලූටන් පරිභෝජනය කළ යුතු අතර, එය බොහෝ විට අහිතකර ප්‍රතික්‍රියා ඇති කරනු ලබනවා.
එමගින් බොහෝ දෙනෙකුට උදර වේදනාව, පාචනය, වමනය, වේදනාව සහ ඔක්කාරය වැනි රෝග ලක්ෂණ අත්විඳිය හැකි බවයි Walter and Eliza Hall වෛද්‍ය පර්යේෂණ ආයතනයේ (WEHI) සහකාර මහාචාර්ය ජේසන් ටයි-ඩින් පැවසුවේ.
“විශේෂයෙන් දරුවන්ට, එම gastroscopy පරීක්ෂාව සිදු නොකළ යුතු බව WEHI හි ඔලිවියා මොස්කැටෙලි කියාසිටියා.
WEHI හි සංවර්ධනය කරන ලද නව පරීක්ෂණයෙන් පරීක්ෂණ නළයක දිනකට රෝගියෙකුගේ රුධිර සාම්පලයක් ග්ලූටන් කොටස් සමඟ මිශ්‍ර කරයි.
එහිදී නිශ්චිත ප්‍රතිශක්තිකරණ සලකුණක් දිස්වන්නේ නම්, ඔවුන්ට සෙලියාක් රෝගය හඳුනාගත හැකි වනවා.
මේ අතර නව රුධිර පරීක්ෂණය ඉදිරි වසර දෙකක් ඇතුළත ක්‍රියාත්මක කිරීමට අපේක්ෂා කරන බව මහාචාර්ය ජේසන් ටයි-ඩින් සඳහන් කළා.
