ඔස්ට්‍රේලියානු හෑකර්ට ඇමරිකාවෙන් දුන් දඬුවම

ඇමරිකානු ICE(Immigration and Customs Enforcement) බලධාරීන් විසින් ඔස්ට්‍රේලියානු හෑකර්වරයෙකු වූ David Crees අත්අඩංගුවට ගෙන ඔහුව ඔස්ට්‍රේලියාවට නෙරපා හැරීමට තීරණය කර තිබෙනවා.

වයස අවුරුදු 26ක් වූ ඔහු 2015 වසරේදී ඔස්ට්‍රේලියා ඉතිහාසයේ විශාලතම පෞද්ගලික දත්ත හොරකම් කිරීමට වගකිව යුතු පුද්ගලයාද වනවා.

ඔහු Abdilo, Notavirus, Surivaton, Grey Hat හා Mafia’s Bitch යන නාමයන් යටතේ අන්තර්ජාලයේ පෙනී සිට දත්ත සොරකම් කර ඇති බවයි ඇමරිකානු බලධාරීන් වාර්තා කර සිටියේ.

අධිකරණ ලේඛනවලට අනුව 2020 සහ 2021 අතර කාලයේදී මොහු ඇමරිකාවේ මෘදුකාංග සමාගමක්, පෞද්ගලික සමාජමාධ්‍ය ගිණුම්, සයිබර් ආරක්ෂක සමාගම්, විශ්වවිද්‍යාලයක් ඇතුළු ආයතන 7ක් හැක් කරමින් දත්ත සොරාගෙන තිබෙනවා.

මොහු ඇමරිකාවේ ප්‍රසිද්ධ සංචාරක රක්ෂණ සමාගමේ පරිගණක පද්ධතිවලටද ඇතුළු වී වාර්තා 770,000 කට වඩා සොරකම් කළ බවද පිළිගෙන ඇති බවයි සදහන් වන්නේ.