බටහිර ඔස්ට්‍රේලියාවේ මුහුද ආශ්‍රිතව සිටින මාරාන්තික ඉරුකන්ඩ්ජි ජෙලිෆිෂ් විශේෂයක් පිලිබඳව බලධාරීන් නතුරු අඟවා තිබෙනවා.
පිහිනුම් ක්‍රීඩකයින් දෙදෙනෙකුද මෙම මාරාන්තික ජෙලිෆිෂ් ප්‍රහාරයකට ලක්වී රෝහල්ගත කර ඇති බවයි වාර්තා වන්නේ.
ජෙලිෆිෂ් පහර දීමෙන් පසු දරුණු වේදනාවක් ඇති වී තිබෙන අතර ඔක්කාරය සහ හුස්ම ගැනීමේ අපහසුතාද ඇති වූ බව වෛද්‍යවරුන් සදහන් කර සිටියා.
තවද ඔවුන් කියා සිටියේ මෙම ජෙලිෆිෂ් විශේෂයට ඉතා ඉක්මනින් පිහිනීමේ හැකියාවක් පවතින් අතර වේගයෙන් පරහ දීමට හැකියාවක්ද ඇති බවයි
මෙම ජෙලිෆිෂ් විශේෂය ජුනි මාසයේ සිට අගෝස්තු මාසය දක්වා වෙරළ ආශ්‍රිතව බහුලව සිටින බව බලධාරීන් ප්‍රකාශකර සිටියා.
එම ප්‍රදේශයේ පිහිනුම් කටයුතු කරන ජනතාවට අවධානයෙන් සිටීමට සහ මෙයින් ආරක්ෂා වීම සදහා සම්පූර්ණ ශරීරය ආවරණය වන පිහිනුම් ඇඳුම් පළදින ලෙසයි උපදෙස් දී තිබෙන්නේ.
