දෙවන වාර න්‍යාය පත්‍රය සකස් කිරීම සඳහා අදහස් සෙවීමට ඔස්ට්‍රේලියානු අග්‍රාමාත්‍ය ඇන්තනී ඇල්බනීසි පියවර ගෙන තිබෙනවා.
ආර්ථික වර්ධනයට සහ ඵලදායිතාවයට සහාය වීම සඳහා අදහස් ලබා ගැනීමට විශේෂඥයින්, වෘත්තීය සමිති සහ ව්‍යාපාරික නායකයින් අගෝස්තු මාසයේදී කැන්බරා වෙත කැඳවන ලෙසයි ඇල්බනීසි භාණ්ඩාගාරික ජිම් චාමර්ස්ගෙන් [Jim Chalmers] ඉල්ලා ඇත්තේ.
ඔහු ජාතික මාධ්‍ය සමුළුවකදී පවසා ඇත්තේ මෙම ක්‍රියාවලිය මගින් පිළිගත හැකි දිගුකාලීන වෙනසක් ඇති කරවීමට බලාපොරොත්තු වන බවයි.
2025 මැතිවරණයට අදාළව කැඳවූ ප්‍රතිපත්ති පදනමට වඩා පුළුල් ජාතික එකඟතාවයක් ඇතිවන ලෙස ප්‍රතිසංස්කරණ සඳහා මූලිකත්වයක් ලබාදෙන බව ද අග්‍රාමාත්‍යවරයා පවසා තිබෙනවා.
මීට අමතරව ඔහුගේ පළමු නිවස මිලදී ගැනීමේ 5% තැන්පතු සහතික වැඩසටහන 2026 වසරට පෙර ක්‍රියාත්මක කරන අතර ලබන වසර මැදදී නව Medicare Urgent Care Clinics 50ක් විවෘත කරන බවට ද ඔහු පොරොන්දු වී තිබෙනවා.
දිගුකාලීන වෙනසක් සඳහා ඔස්ට්‍රේලියානු ජනතාව තේරුම් ගන්නා ප්‍රතිසංස්කරණයක් ලබාදීමට රජය උත්සාහ කරන බවයි අග්‍රාමාත්‍යවරයා වැඩිදුරටත් පෙන්වා දී ඇත්තේ.
