ඕස්ට්‍රේලියානු සංඛ්‍යාලේඛන කාර්යාංශයට අනුව, රැකියා දෙකක් හෝ ඊට වැඩි ප්‍රමාණයක් කරන ඕස්ට්‍රේලියානුවන්ගේ සංඛ්‍යාව වාර්තාගත ලෙස ඉහළ ගොස් තිබෙනවා.
පුද්ගලයින් 963,100 ක් , නැතහොත් ශ්‍රම බලකායෙන් 6.5% ක් , එක් රැකියාවකට වඩා සිදු කරන බවයි ඕස්ට්‍රේලියානු සංඛ්‍යාලේඛන කාර්යාංශය අනාවරන කර තිබෙන්නේ.
මෙම අගය පූර්ව කොවිඩ් මට්ටම් හා සසඳන විට සැලකිය යුතු ඉහළ යාමක් සනිටුහන් කරන බවයි කාර්යාංශය පෙන්වා දෙන්නේ.
Seek ජ්‍යෙෂ්ඨ ආර්ථික විද්‍යාඥ බ්ලෙයාර් චැප්මන් පවසන්නේ පවතින ජීවන වියදම් අර්බුදය නිසා අමතර ආදායමක් සෙවීමට වැඩි සේවකයින් පිරිසක් පෙළඹෙන බවයි.
4.1% ක ස්ථාවර විරැකියා අනුපාතයක් තිබියදීත්, ඉහළ යන උකස් ගෙවීම් සහ ජීවන වියදම් පීඩනය හේතුවෙන් ඕස්ට්‍රේලියානුවන් මිලියන 1 කට ආසන්න සංඛ්‍යාවක් දෙවන රැකියා වලට පෙලඹෙන බවයි අනරවන වී තිබෙන්නේ.
බොහෝ සේවකයින්ට ඔවුන්ගේ ප්‍රධාන රැකියාවෙන් ලැබෙන වැටුප ප්‍රමාණවත් නොවීම මෙලෙස තවත් රැකියාවලට පෙලඹීමට හේතු වී ඇති බවද සදහන්.
