ජාත්‍යන්තර ක්‍රිකට් කවුන්සිලය ජුනි 9 වන සඳුදා දින ලන්ඩනයේ උත්සවයකදී ICC Hall of Fame සදහා ක්‍රීඩකයින් 7 දෙනෙකු ඇතුළත් කිරීමේ උළෙල සිදු කිරීමට නියමිතව තිබෙනවා.
ඒ සදහා රටවල් හයකින් පැමිණි පිරිමි ක්‍රීඩකයින් පස් දෙනෙකු සහ කාන්තා ක්‍රීඩකයින් දෙනෙකු තෝරාගනු ලබනවා.
‘A Day with the Legends’ නමින් උත්සවය නම් කර ඇති අතර විවිධ රටවල්වල ICC විකාශන සාමාජික මාධ්‍ය මගින් සජීවීව විකාශනය කිරීමටද නියමිතයි.
ICC කීර්තිමත් ක්‍රීඩකයින්, ජ්‍යෙෂ්ඨ විධායක නිලධාරීන් සහ මාධ්‍ය සාමාජිකයින් විසින් ක්‍රීඩකයින් තෝරාගැනීම සදහා ඡන්දය ප්‍රකාශ කරනු ලබනවා.
තෝරාගන්නා ක්‍රීඩකයින් හත්දෙනා ක්‍රීඩාවට දැක්වූ දායකත්වයට ගෞරව දැක්වීම සඳහා සමරු හිස් වැසුම් ප්‍රදානය කිරීමද එහිදී සිදුවනවා.
බ්‍රිතාන්‍ය වේලාවෙන් 4.30ට ඇරඹෙන මෙම උත්සවය, ICC ලෝක ටෙස්ට් ශූරතා අවසන් තරඟයට පෙර පැවැත්වෙන විශේෂ සිදුවීමක් වන අතර එහිදී දකුණු අප්‍රිකාවේ ටෙම්බා බාවුමා සහ ඔස්ට්‍රේලියාවේ පෑට් කමින්ස් ඔවුන්ගේ අදහස් දැක්වීමට නියමිතයි
මෙම උත්සවය JioHotstar (ඉන්දියාව), Sky Sports (එංගලන්තය සහ අයර්ලන්තය), Amazon Prime Video (ඔස්ට්‍රේලියාව), SuperSport (අප්‍රිකාව), Sky TV (නවසීලන්තය), Ten Sports , PTV (පාකිස්ථානය), TV1 MTV (ශ්‍රී ලංකාව – late telecasting), Criclife , Starzplay (MENA), ESPN (කැරිබියන්), Willow (ඇමරිකාව සහ කැනඩාව), Ariana TV (අෆ්ගනිස්ථානය), Hub Sports 4 (සිංගප්පූරුව), සහ icc.tv (අනෙකුත් රටවල්) ඔස්සේ සජීවීව විකාශය වේ.
