අතුරුදන් වු දරුවන් තිදෙනෙකු සොයාගැනීම සඳහා සහාය වන්නැයි දකුණු ඔස්ට්‍රේලියානු පොලිසිය මහජනතාවගෙන් ඉල්ලීමක් කරනවා.
දින 17කට පෙර මෙම දරුවන් 3 දෙනා අතුරුදන් වී තිබෙනවා.
පොලිසිය පවසන්නේ ළමුන් තිදෙනා මැයි 22 වනදා දින පස්වරු 1.00ට පමණ Gilberton ප්‍රදේශයේදී අවසන් වරට දැක ඇති අතර, ඔවුන් කාන්තාවක් සමඟ සිටින බවට සැක කරන බවයි.
අතුරුදන්වුවන් Black Forest ප්‍රදේශයේ පදිංචි වයස අවුරුදු 3 ක්, මාස 16 ක් සහ මාස 3 ක දරුවන් වනවා.
සිද්ධියට සම්බන්ධ බවට සැක කෙරෙන කාන්තාව වයස අවුරුදු 20 ක පමණ සාමාන්‍ය ශරීරයක් සහ දිගු දුඹුරු හිසකෙස් ඇති අයෙක් ලෙසයි හඳුනාගෙන ඇත්තේ.
මේ පිළිබඳ තොරතුරු ඇත්නම් 131 444 අංකය ඔස්සේ වහාම දැනුවත් කරන ලෙසයි පොලීසිය ඉල්ලා සිටින්නේ.
