Sydney උතුරු වෙරළ තීරයේ දී මුහුදට ගසාගෙන ගිය ධීවරයෙකුගේ මළසිරුරක් සොයාගෙන තිබෙනවා.
මෙම පුද්ගලයා Manly හි Blue Fish Point ප්‍රදේශයේ දී පිරිසක් සමග මසුන් අල්ලමින් සිටියදී මුහුදට වැටී තිබෙනවා.
පොලිසිය, Surf Life Saving Australia, Marine Rescue NSW සහ the Toll rescue helicopter සහය ඇතිව සෝදිසි මෙහෙයුමක් ක්‍රියාත්මක කරනු ලැබුවා.
එහිදී පොලිස් කිමිදුම් බලකාය විසින් මළ සිරුරක් සොයාගෙන තිබෙනවා.
එය ගසාගෙන ගිය ධීවරයාගේ බවටයි සැක කෙරෙන්නේ.
මේ අතර පොලීසිය මරණය පිළිබඳ වෛද්‍ය පරීක්ෂණයක් සහ නිල පරීක්ෂණයක් මේ වන විට ආරම්භ කර තිබෙනවා.
