වික්ටෝරියාවේ පුරස්ථි ග්‍රන්ථි පිළිකා රෝගීන්ට (prostate cancer) නව තාක්ෂණික ප්‍රතිකාර දෙකක් ආරම්භ කිරීමට නියමිතව තිබෙනවා.
මෙමගින් කැනඩාවේ ඇති වඩාත්ම දියුණු රෝග විනිශ්චය සහ ප්‍රතිකාර ලබාදීමටයි සැලසුම් කර ඇත්තේ.
PSMA PET Scan (Prostate-Specific Membrane Antigen Positron Emission Tomography) සහ Pluvicto Therapy (Lutetium vipivotide tetraxetan) මෙම ප්‍රතිකාර ක්‍රම වනවා.
පිළිකාව සොයා ගැනීම සහ විශේෂ නිරීක්ෂණයට ලක් කිරීම, සිරුරේ පිළිකා සෛල සෘජුවම අල්ලා විනාශ කිරීම ඉන් සිදු කෙරෙනවා.
කිරණ ප්‍රතිකාර විශේෂඥ වෛද්‍ය Abraham Alexander සඳහන් කරන්නේ මෙවැනි උසස් තාක්ෂණික පියවර දෙකක් එක්වීම හේතුවෙන් පිළිකා රෝගීන් සඳහා කළ හැකි ප්‍රතිකාර ඉහළ යන බවයි.
රෝගය ඉක්මනින් හඳුනාගත හැකිවීම, වැඩි ආයු අපේක්ෂාව සහ බලාසිටීමේ කාලය (waiting lists) අඩුවීම වැනි ප්‍රතිලාභ ද මෙහිදී අපේක්ෂා කළ හැකියි.
