ඕස්ට්‍රේලියානු ආරක්ෂක හමුදාවේ (ADF) යුධ නෞකාවක් හේතුවෙන් නවසීලන්තයේ සමහර ප්‍රදේශවල අන්තර්ජාල සහ ගුවන් විදුලි විසන්ධි කිරීම් ඇති කර තිබෙනවා.
ඕස්ට්‍රේලියාවේ විශාලතම නාවික නෞකාව වන HMAS කැන්බරා, පසුගිය බදාදා වෙලින්ටන් බලා යමින් වෙරළ තීරය දිගේ ගමන් කරමින් සිටියා.
එහිදී navigation රේඩාර් මගින් Taranaki සහ Marlborough කලාපය හරහා රැහැන් රහිත ජාල විනාශ වී ඇති බවයි වාර්තා වන්නේ.
එය වාර්තාවීමත් සමග නවසීලන්ත ආරක්ෂක බලකාය ඔස්ට්‍රේලියා ආරක්ෂක හමුදාව අමතා තිබෙනවා.
පසුව ඒ බව දැනුවත්වීමෙන් අනතුරුව HMAS කැන්බරා බාධා නිවැරදි කිරීම වෙනුවෙන් frequencies වෙනස් කර ඇති බව සඳහන්.
මේ අතර නවසීලන්ත විදුලි සංදේශ සමාගමක් වන ප්‍රයිමෝ හි නිර්මාතෘ මැතිව් හැරිසන් පැවසුවේ මෙවැනි සිද්ධියකට මුහුණදුන් පළමු අවස්ථාව මෙය බවයි.
