එංගලන්තයේ ඕල්ඩ්හැම්හි 24 හැවිරිදි Cara Melia ට අවශ්‍ය වූයේ ඇගේ මියගිය මවට ලෝකය පුරා සංචාරය කිරීමට අවස්ථාව ලබා දීමටයි.
ඇගේ මව වන Wendy Chadwick වයස අවුරුදු 51 දී හඳුනා නොගත් හෘද රෝගයකින් මිය ගොස් තිබුනා.
දරුවන් පස් දෙනෙකු සමග තනි මවක් වූ Chadwick ට කිසිදා ලෝකය දැකීමට අවස්ථාවක් නොලැබ තිබූ බවයි දියණිය වන Cara Melia සදහන් කරන්නේ.
මවට ගෞරව කිරීම සඳහා, Cara මවගේ දේහයේ අළු වලින් කොටසක් හෘදයාංගම සටහනක් සමඟ බෝතලයක දමා තිබෙනවා.
එම සටහනේ මෙසේ සඳහන් ව තිබුනා.
“මේ මගේ අම්මා. මෙය ඔබට ලැබුණු විට ඇයව නැවත මුහුදට විසි කරන්න – ඇය ලෝකය සංචාරය කරනවා. ස්තූතියි…
Cara බෝතලය Skegness හි මුහුදට මුදා හැරියේ එය බොහෝ දුර යනු ඇතැයි බලාපොරොත්තුවෙන් වුවද
පැය 12 කට පසු, එය නැවත එම වෙරළටම පැමිණ තිබෙනවා.
එය සොයාගත් පුද්ගලයා මෙම කතාව අන්තර්ජාලය හරහා බෙදා ගත් අතර, එය ඉක්මනින් අන්තර්ජාලය පුරා පැතිරීමට පටන් ගෙන තිබෙනවා.
මවගේ ගමන දිගටම යාම සඳහා බෝතලය ඔහු විසින්ද මුහුදට දමා තිබෙනවා.
Cara Melia බලාපොරොත්තු වන්නේ ඇගේ මව සිහින මැවූ ලෙස කවදා හෝ ස්පාඤ්ඤයේ හෝ බාබඩෝස්හි හිරු එළිය වැටෙන වෙරළකට අළු බෝතලය ළඟා වනු ඇති බවයි.
