අමරිකාව සමඟ ඉදිරියේදී සිදු කරන වෙළඳ සාකච්ඡාවල ප්‍රතිඵලයක් ලෙස ඕස්ට්‍රේලියාවේ හරක් මස් ආනයන නීති යලි ලිහිල් වනු ඇතැයි වාර්තා පළවනවා.
රජයේ තොරතුරු උපුටා දක්වමින් මාධ්‍ය වාර්තා කර තිබුනේ වානේ සහ ඇලුමිනියම් වැනි ඕස්ට්‍රේලියානු අපනයන සඳහා තීරුබදු අඩු කිරීමක්ද ඉදිරියේදී සිදු විය හැකි බවයි.
එක්සත් ජනපද ජනාධිපති ඩොනල්ඩ් ට්‍රම්ප් සහ අගමැති ඇන්තනි ඇල්බනීස් කැනඩාවේ පැවැත්වෙන G7 සමුළුවේදී හමුවීමට නියමිතව තිබෙනවා.
සමුලුව ආරම්භ වන්නේ ජුනි 15 වනදායි.
කැනඩාවේ සහ මෙක්සිකෝවේ ගවයින් මස් සදහා ගෙන්වීම එක්සත් ජනපදයට ප්‍රධාන ගැටළුවක් වී තිබෙන්නේ පාරිසරික සහ සත්ව යෝග්‍යතා ගැටලු මතුවීම හේතුවෙන්.
G7 සමුලුවේදී ගිවිසුමකටඅත්සන් තැබීමට අපේක්ශා නොකලද සිදු කරන සාකච්ඡා අනාගත තීරුබදු කප්පාදුවලට හේතු විය හැකි බවද රජයේ තොරතුරු මගින් අනාවරන කර තිබෙනවා.
