ආර්ථික දුෂ්කරතාවලට මුහුණ දී සිටින ඔස්ට්‍රේලියානුවන්ට නොමිලේ දන්ත වෛද්‍ය සේවාවක් ක්‍රියාත්මක කිරීමට පියවර ගෙන තිබෙනවා.
මේ යටතේ සුදුසුකම් ලත් පුද්ගලයන්ට නොමිලේ දන්ත පරීක්ෂණ, පිරිසිදු කිරීම්, පිරවීම්, හා දත් ඇදීම වැනි සේවා ලබා ගත හැකියි.
සුදුසුකම් ලත් පුද්ගලයින් රජයේ දන්ත සේවා ලැයිස්තුවට ප්‍රථමයෙන් ඇතුළත් කරනු ලබනවා.
වහා ප්‍රතිකාර අවශ්‍ය නම්, ඔවුන්ට පුද්ගලික දන්ත වෛද්‍ය සේවා සඳහා වවුචරයක් ලබාදීමටයි සැලසුම් කර ඇත්තේ.
වවුචරයක් ලබාදුන් පසු එය පිළිගන්නා පුද්ගලික වෛද්‍ය මධ්‍යස්ථාන ලැයිස්තුවක් ද සපයනු ලබනවා.
වර්තමාන Concession Card හෝ Health Care Card හිමියන්, Centrelink Concession Card හිමියන් සහ Child Dental Benefits Schedule (CDBS) යටතේ සුදුසුකම් ලත් දරුවන් මේ සදහා සුදුසුකම් ලබනවා.
2025–26 වසර සඳහා, රජය ඩොලර් [$] මිලියන 107.8 ක අරමුදලක් මෙම වැඩසටහන සදහා රාජ්‍ය හා ප්‍රාදේශීය ආණ්ඩු වෙත ලබාදීමට නියමිතයි.
