ඉතුරුම් සහ අයහපත් කාලගුණික බලපෑම් හේතුවෙන් වසරේ පළමු කාර්තුවේදී ආර්ථිකය සුළු වර්ධනයක් පමණක් පෙන්නුම් කරන බව නව දත්තවල දැක්වෙනවා.
මේ හේතුවෙන් අපනයන සහ සංචාරක කටයුතු සඳහා ඔස්ට්‍රේලියානුවන් විසින් තම ආදායමෙන් වැඩි ප්‍රමාණයක් වැය කිරීමට සිදුව ඇති බවයි ඔස්ට්‍රේලියා සංඛ්‍යාලේඛන වාර්තාවේ දැක්වෙන්නේ.
ඊයේ ඔවුන් නිකුත් කළ නව දත්ත වලින් පෙනී ගියේ මාර්තු කාර්තුවේදී දළ දේශීය නිෂ්පාදිතය සියයට 0.2 කින් ඉහළ ගොස් ඇති අතර එය දෙසැම්බර් මාසයේ සියයට 0.6 සිට අඩු වී ඇති බවයි.
එහෙත් පසුගිය මාස 12 තුළ සියයට 1.3 කින් ඉහළ ගොස් ඇති බව ඔවුන් කියාසිටියා.
මේ අතර විශ්ලේෂකයින් අපේක්ෂා කළේ කාර්තුව සඳහා සියයට 0.1 සහ 0.3 අතර ඉහළ යාමක් සහ වසර සඳහා සියයට 1.2 සිට1.4 ක් පමණ වනු ඇති බවයි.
ඇල්ෆ්‍රඩ් සුළි කුණාටුව සහ අනෙකුත් දරුණු කාලගුණික තත්ත්වයන් ආර්ථිකයට හානි කළ අතර, වියදම් වර්ධනය සියයට 0.7 සිට සියයට 0.4 දක්වා මන්දගාමී වී තිබෙනවා.
පතල් කැණීම, සංචාරක ව්‍යාපාරය සහ නැව්ගත කිරීම යන අංශවලට අයහපත් කාලගුණයෙන් බරපතල හානියක් සිදුවී ඇති බවයි වාර්තා වන්නේ.
