චීනයේ අධ්‍යාපන අමාත්‍යාංශය විසින් නිකුත් කළ නව උපදෙස් අනුව ප්‍රාථමික පාසල් සිසුන්ට AI භාවිතා කර Home Work කිරීම තහනම් කර තිබෙනවා.
අධ්‍යාපනය සදහා AI තාක්ෂණය සහයක මෙවළමක් ලෙස පමණක් යොදාගැනීම කළ යුතු බවයි චීන රජය අවධාරණය කර සිටියේ.
තවද ප්‍රාථමික ගුරුවන් සදහාද AI භාවිතා කරමින් ලකුණු දීම හා පිළිතුරු සෑදීම තහනම් කර තිබෙනවා.
ඔවුන් වැඩිදුරටත් පවසන්නේ පාසල් අධ්‍යාපනයට AI තාක්ෂණය එකතු කිරීමට සහාය දක්වමින් සිටින නමුත් දත්ත ආරක්ෂාව හා යටිතල පහසුකම් තවදුරටත් වැඩිදියුණු කළ යුතු බවයි.
චීන රජය ප්‍රාදේශීය මට්ටමෙන් සුදුසු AI පාලන ප්‍රතිපත්ති සකස් කරන ලෙසත් අනුමත කළ හැකි AI ලයිස්තුවක් සකසන ලෙසත් බලධාරීන්ට උපදෙස් දී තිබෙනවා.
ඉදිරියේදී ප්‍රාථමික හා ද්විතීය පාසල්වල AI අධ්‍යාපන මූලස්ථාන පිහිටුවීමක් සිදු කරන බවත් ගුරුවරුන්ට AI තාක්ෂණය තේරුම් ගැනීම සහ භාවිතය පිළිබඳ පුහුණු වැඩසටහන්ද වැඩි කරන බවත් චීන අධ්‍යාපන අමාත්‍යාංශය කියා සිටියා .
