මෙල්බන් හි වෙළඳසැලකින් ප්ලාස්ටික් අයිස්ක්‍රීම් කෝන් දෙකක් [plastic ice cream cone] සොරකම් කර Facebook Marketplace හරහා විකිණීමට උත්සාහ කළ පුද්ගලයෙකු අත්අඩංගුවට ගෙන තිබෙනවා.
“Peters” වෙළඳ නාමයට අයත් මෙම ප්ලාස්ටික් අයිස්ක්‍රීම් කෝන් දෙක 1974 සිට නැගෙනහිර Melbourne හි General Store වෙළඳසලේ ඉදිරිපස සවි කර තිබුණා.
පසුගිය මැයි 25 වනදා අලුයම ඒවා සොරකම් කර තිබුණේ ආරක්ෂක කැමරා අඳුරු කරමිනුයි.
ඊයේ රාත්‍රියේ, පොලිසිය ටෙම්පල්ස්ටෝව් ලෝවර් හි [Templestowe Lower] සෝදිසි වරෙන්තුවක් ක්‍රියාත්මක කළ අතර එහිදී 50 හැවිරිදි පුද්ගලයෙකු අත්අඩංගුවට ගත්තා.
ඔහුට එරෙහිව ඉදිරියේදී නඩු පවරන බවයි පොලිසිය පවසන්නේ.
මේ අතර සොරකම් කරන ලද අයිස්ක්‍රීම් කෝන් ආපසු වෙළඳසලට ලබාදීමට නියමිතයි.
