සේවක වැටුප් වැඩිවීම ගැන වෘත්තීය සමිති වල ප්‍රසාදය

මිලියන සංඛ්‍යාත සේවකයින් සඳහා අවම වැටුප් වැඩි කිරීමට Fair Work Commission විසින් ගනු ලැබූ තීරණයට වෘත්තීය සමිති විසින් ප්‍රශංසා කර තිබෙනවා.

කොමිසමේ වාර්ෂික සමාලෝචනයෙන් හෙළි වූයේ minimum wage මෙන්ම national minimum wage ද සියයට 3.5 කින් වැඩි විය යුතු බවයි.

මෙම වැඩිවීම මෙම වසරේ ජූලි 1 වන දින සිට ක්‍රියාත්මක වනවා.

වත්මන් ජාතික අවම වැටුප පැයකට ඩොලර් 24.10 ක් හෙවත් සතියකට ඩොලර් 915.90 ක් වනවා.

එය සියයට 3.5 කින් වැඩිවීම මගින් පැයකට ඩොලර් 24.94 දක්වා හෝ සතියකට ඩොලර් 30 කට වඩා වැඩි වන බව සදහන්.

රජයේ ඇස්තමේන්තු වලට අනුව, මෙම තීරණය ඕස්ට්‍රේලියානුවන් මිලියන තුනක් දක්වා බලපානු ලබනවා.

මෙම පිරිස් අතරින් සුළු පිරිසක් පමණක් ජාතික අවම වැටුපෙහි සිටින බවයි වාර්තා වන්නේ.

Fair Work Commission සභාපති විනිසුරු Adam Hatcher ඇඩම් හැචර් සදහන් කලේ ඕස්ට්‍රේලියානු සේවකයින්ගෙන් තවත් සියයට 20.7 කට අවම වැටුප ගෙවනු ලබන බවයි.

මෙම තීරණයට මඟ පෙන්වූ ප්‍රධාන කරුණ ලෙස පෙන්වා දී තිබෙන්නේ 2021 ජූලි මාසයේ සිට සේවකයින්ගේ වැටුප් අනුපාතවල සැබෑ වටිනාකම අඩුවීමයි.