ගර්භනී සත්කාර සේවාවලදී ඇතිවන බර පිළිබඳ විෂමතාවය අවම කිරීමේ නව වැඩසටහනක් Queensland ප්‍රාන්තයේ රෝහලක් ආරම්භ කර තිබෙනවා.
Royal Brisbane සහ Women’s රෝහල විසිනුයි මෙම ව්‍යාපෘතිය ක්‍රියාත්මක කරන්නේ.
එහි වෛද්‍යවරුන් පෙන්වා දෙන්නේ බර පිළිබඳ විෂමතාවය මව්වරුන්ගේ පමණක් නොව, බිළිඳුන්ගේ සෞඛ්‍යයට ද බලපාන බවයි.
ශරීර බර හේතුවෙන් ගර්භනී මව්වරුන්ට මුහුණදීමට සිදුවන විවිධ වෛද්‍ය විෂමතා හා පීඩන අවම කිරීම, සෞඛ්‍ය සේවා සපයන්නන්ට ශරීර බර විෂමතා පිළිබඳව අධ්‍යාපනය ලබාදීම සහ සියලු ශරීර ප්‍රමාණයන් සඳහා සුරක්ෂිත සහ පරිපූර්ණ සත්කාර පද්ධතියක් තනාගැනීම මෙම වැඩසටහනේ අරමුණු අතර වනවා.
මෙමගින්, ගර්භනී මව්වරුන්ට සාධාරණ හා සමාන සෞඛ්‍ය පද්ධතියක් ලබාදීම සහ ගෞරව සහිත සත්කාර සේවයක් ලබාදීම ද සිදු කරන බවයි රෝහල පවසන්නේ.
