රෝගීන්ගේ ආරක්ෂාව වෙනුවෙන් සෞඛ්‍ය වෘත්තිකයින්ගේ රූපලාවන්‍ය එන්නත් කර්මාන්තයට දැඩි පියවර ගැනීමට තීරණය කර තිබෙනවා.
රෝගීන්ගේ ආරක්ෂාවට වඩා ලාභයට මුල් තැන දෙන පුද්ගලයින්ගෙන් මහජනතාව ආරක්ෂා කිරීම සඳහායි මෙම පියවර ගෙන ඇත්තේ.
ඒ අනූව ඔස්ට්‍රේලියානු සෞඛ්‍ය වෘත්තිකයින්ගේ නියාමකයින් විසින් ශල්‍ය නොවන රූපලාවන්‍ය එන්නත් කිරීමේ ක්‍රියා පටිපාටි සිදු කරන වෛද්‍යවරුන් සහ හෙදියන් සඳහා නව මාර්ගෝපදේශ ද හඳුන්වා දී තිබෙනවා.
ඕස්ට්‍රේලියානු සෞඛ්‍ය වෘත්තිකයින්ගේ නියාමන ඒජන්සිය (AHPRA) විසින් නිකුත් කරන ලද නව නීති මගින් සෞඛ්‍ය සේවා වෘත්තිකයන්ට රූපලාවන්‍ය එන්නත් ක්‍රියා පටිපාටි සිදු කිරීමට පෙර වැඩිදුර අධ්‍යාපනය සහ පුහුණුව අනිවාර්ය කර තිබෙනවා.
එන්නත් සමඟ වැඩ කිරීමට කැමති හෙදියන් සඳහා ද අවශ්‍ය අවම අත්දැකීම් කාල සීමාවන් හඳුන්වා දීමට පියවර ගෙන ඇතැයිද සදහන්.
ස්නායු විෂ සහිත රෝගීන්ට එන්නත් ලබාදීමට පෙර විධිමත් අමතර අධ්‍යාපනයක් හෝ පුහුණුවක් ලබා ගැනීමද අනිවාර්ය බවයි ඔවුන් පෙන්වා දෙන්නේ.
