ඔස්ට්‍රේලියානු නියෝජ්‍ය අග්‍රාමාත්‍ය සහ ආරක්ෂක අමාත්‍ය රිචඩ් මාලස් අද ශ්‍රී ලංකාවේ නිල සංචාරයක නිරත වනවා.
විදේශ කටයුතු, විදේශ රැකියා සහ සංචාරක අමාත්‍යංශය සදහන් කලේ මෙම සංචාරයේදී නියෝජ්‍ය අග්‍රාමාත්‍යවරයා විසින් ජනාධිපති අනුර කුමාර දිසානායක සහ විදේශ රැකියා සහ සංචාරක අමාත්‍ය විජිත හේරත් මුණ ගැසීමට නියමිත බවයි.
අග්‍රාමාත්‍යවරයා පිළිගැනීම සඳහා ඔස්ට්‍රේලියන් හවුස් හිදී පවත්වනු ලබන විශේෂ දිවා භෝජන සංග්‍රහයට ශ්‍රී ලංකාවේ අග්‍රාමාත්‍යවරිය වන හරිනි අමරසූරිය ද එක්වීමට නියමිතව තිබෙනවා.
රිචඩ් මාලස් විසින් ආරක්ෂක නියෝජ්‍ය අමාත්‍ය අරුණ ජයසේකර සමග ද්වීපාර්ශ්වික සාකච්ඡාවක් ද පැවැත්වීමට නියමිත බවද සදහන්.
ද්විපාර්ශ්වික සහයෝගීතා තවදුරටත් ශක්තිමත් කිරීම සහ දෙරට අතර ආරක්ෂක අංශයේ සහයෝගීතාව වැඩි දියුණු කිරීම ද මෙම සංචාරයේ අරමුණ වී තිබෙනවා.
මෙම සංචාරයට නියෝජ්‍ය අග්‍රාමාත්‍යවරයා සමග තවත් නිලදාරීන් කිහිප දෙනෙකුද එක්වීමට නියමිත බව අදාල නිවේදනයේ වැඩිදුරටත් දැක්වෙනවා.
