Snake Catchers ආයතනයේ සර්පයින් අල්ලන්නෙකු සර්පයෙකුගේ මරණය පිලිබඳව Queensland පරිසර දෙපාර්තමේන්තුවට වාර්තා කර තිබෙනවා.
නිවසේ සිටි සර්පයෙකු වෙනත් ස්ථානයකට ගෙන යාම සඳහා සහය ඉල්ලා සිටි නිවසියන් පිරිසක් තම කාර්ය මණ්ඩලය පැමිණෙන විටත් සර්පයා මරා දමා තිබූ බවයි ඔහු කියා සිටියේ.
මේ පිලිබඳ පරිසර දෙපාර්තමේන්තුව පරීක්ෂණයක් ආරම්භ කර ඇති අතර සර්පයෙක් මරා දැමීම නීතිවිරෝධී ක්‍රියාවක් ලෙසයි දෙපාර්තමේන්තුව අවදාරණය කර සිටියේ.
එය සිදුකරන ඕනෑම පුද්ගලයෙකුට ඩොලර් 16,000කට වැඩි දඩයක් ගෙවීමට සිදුවන බවට ඔවුන් අනතුරු අඟවා සිටියා.
Snake Catchers ආයතනයේ Stuart McKenzie කියා සිටියේ සර්පයෙක්ට පහර දීම වෙනුවට දුරකින් සිටීම හා සර්පයා අල්ලා ගැනීම සඳහා සහය ලබාගැනීම හොඳම විකල්පය බවයි.
