Megalot අළෙවි හරහා සිඩ්නි නිවෙස් හිමියන්ගේ දේපල වටිනාකම දෙගුණයකින් ඉහළට යමින් පවතින බව වාර්තා වනවා.
මේ හේතුවෙන් සිඩ්නි සුඛෝපභෝගී නගරවල ඉහල වටිනාකම් ඇති නිවෙස් හිමියන් මිලියනපතින් බවට පත්වෙමින් සිටින බවයි සමීක්ශණයක් මගින් පෙන්වා දෙන්නේ.
Mosman සහ Cremorne වැනි ප්‍රදේශවල නිවෙස් හිමියන්, එකට එක්ව සිය දේපල Megalot ලෙස විකුණමින් තිබීම නිස උපරිම මිලකට එම නිවාස විකිණීමට අවස්තාව හිමිව තිබෙන බවයි වාර්තා වුනේ.
තනිව නිවාස විකුණනවාට වඩා දෙගුණයකට වැඩි මුදලක් එමගින් ඔවුන් උපයා තිබෙනවා.
2025 මැයි මාසය තුළ පමණක්, Mosman සහ Cremorne ප්‍රදේශවල නිවෙස් 10ක් සම්බන්ධ කළ එකතුවකින් $ මිලියන 100 කට අධික වටිනාකමක් ඇති අලෙවියක් සිදුව ඇතැයි සදහන්.
UNSW සහ Macquarie විශ්වවිද්‍යාලවල විශේෂඥයන් පවසන්නේ, මෙය සිඩ්නි නාගරික සංවර්ධනයේ අනාගතය පෙන්වන පියවරක් බවයි.
විශාල ඉඩම් සහිත ප්‍රදේශවල, ව්‍යාපෘති සඳහා අවශ්‍ය භූමි ප්‍රමාණය අඩු වීමත් සමඟ මෙම සංවර්ධන ක‍්‍රමය වඩාත් ආර්ථිකම ප්‍රථිලාභ අත්කර දෙන බවද සමීක්ෂකයින් පෙන්වා දෙනවා.
මෙම ප්‍රවණතාවය සිඩ්නි දේපල වෙළඳපොළ වෙනස් කරමින් තිබෙන අතර, දේපළ හිමියන් විසින් අලුත් ගොඩනැගිලි ව්‍යාපෘති සඳහා ඉහළ වටිනාකම් සහිත සැලසුම් සකස් කරමින් පවතිනවා.
