ලොව විශාලතම ආර්ථිකයන් දෙක අතර වෙළඳ ගැටුම් යළිත් උත්සන්න කරමින් තීරුබදු ගිවිසුම චීනය විසින් උල්ලංඝනය කර ඇති බවට ට්‍රම්ප් චෝදනා කරනවා.
ඇමරිකානු වෙළඳ නියෝජිත Jamieson Greer පැවසුවේ චීනය අනිවාර්ය නොවන වෙළඳ බාධක ඉවත් කරන බවට ගිවිසුම්ගත වී තිබූ නමුත් ඒවා සම්පූර්ණයෙන් ඉවත් කර නැති බවයි.
තවද චීනය බදු අඩු කිරීම මන්දගාමීව සිදුකරන බවටද ඇමරිකාව විසින් චෝදනාකර තිබෙනවා.
චීනය ගිවිසුමට අනුගත වන්නේදැයි ඇමරිකාව නිරීක්ෂණය කරමින් සිටින බව CNBC නාලිකාවට අදහස් දක්වමින් ට්‍රම්ප් කියා සිටියා.
චීනය තවමත් මෙයට පිළිතුරු ලබාදී නැති අතර ඉදිරියේදී පවත්වනු ලබන සාකච්චා වලදී මේ පිළිබඳව ප්‍රශ්න කරන බව ඇමරිකානු මුදල් ලේකම් Scott Besant පවසා සිටියා.
