වික්ටෝරියාව සදහා නව කාලගුණ අනාවැකියක් නිකුත් කර තිබෙනවා.
වික්ටෝරියාවේ උණුසුම්ම autumn එක මේ වනවිට වාර්තා කර ඇති අතර, New South Wales දෙවන උණුසුම්ම කාලගුණය වාර්තා කර තිබෙනවා.
දකුණු සහ බටහිර ඕස්ට්‍රේලියාව ඔවුන්ගේ තුන්වන උණුසුම්ම autumn එක වාර්තා කර ඇති බවයි කාලගුණ වාර්තා පෙන්වා දෙන්නේ.
කාලගුණ විද්‍යා කාර්යාලය [BoM] නිකුත් කළ වාර්තාවක දැක්වෙන්නේ උතුරු සහ නැගෙනහිර ඕස්ට්‍රේලියාවට දැඩි ශීත කාලගුණයක් පවතින අතර දකුණු ප්‍රදේශය බොහෝ වියළි වනු ඇති බවයි.
නිවර්තන උතුරු, ගිනිකොන සහ නිරිතදිග ප්‍රදේශවල සාමාන්‍ය ශීත වර්ෂාපතනයක් අපේක්ෂා කළ හැකි අතර වාර්තාගත අඩු වර්ෂාපතනයක් ඇති දකුණු ඕස්ට්‍රේලියාවේ සහ වික්ටෝරියා ප්‍රදේශ ද මෙම winter එකේදී අකාලයේ ගිනි ඇතිවීමේ අවදානමට මුහුණ දී ඇති බවයි වාර්තාවේ වැඩිදුරටත් දක්වා ඇත්තේ.
මෙම සමය සාමාන්‍ය උණුසුම් අගයට වඩා වැඩි අගයක් වාර්තා කර ඇති අතර දකුණු සහ බටහිර ඔස්ට්‍රේලියා ප්‍රදේශවල දිවා කාලයේ උෂ්ණත්වය ඉතා ඉහළ අගයක් ගන්නා බව ද වාර්තා කර තිබෙනවා.
