කොවිඩ් වසංගතයට පසුවද ප්‍රාදේශීය ප්‍රදේශ වෙත ජන සංක්‍රමණය වැඩිවීමක් අඛණ්ඩව සිදුව තිබෙනවා.
ඒ අනුව, වික්ටෝරියානු Geelong නගරය ඔස්ට්‍රේලියාවේ ජනප්‍රියතම ප්‍රාදේශීය නගරය ලෙස නම් වූ බවයි වාර්තාවල දැක්වෙන්නේ.
අගනුවරවලින් පිටවී යන මුළු ජන සංක්‍රමණයේ 7.4%ක් Geelong වෙත යාම සිදුව ඇති අතර, එය ක්වීන්ස්ලන්ඩ්හි සන්ෂයින් කොස්ට් (7.3%) ඉක්මවා ගොස් තිබෙන බවයි වාර්තා වුනේ.
මෙම තොරතුරු Regional Australia Institute සහ Commonwealth Bank එකට අයත් Regional Movers Index එකේ නවතම වාර්තාවක සඳහන් වුනා.
ජනප්‍රියතම ප්‍රාදේශීය නගර 5 අතරට Lake Macquarie (නවසවුත් වේල්ස්), Moorabool (වික්ටෝරියා), සහ Maitland (නවසවුත් වේල්ස්) ද ඇතුළත් වනවා.
මෙම වාර්තාව අනුව, ප්‍රධාන වශයෙන් මිනිසුන් එළියට ගමන් කරන්නේ සිඩ්නි සහ මෙල්බර්න් නගර වලින් බවද සඳහන්.
