බරපතල සෞඛ්‍ය අවදානමක් හේතුවෙන් බටහිර ඕස්ට්‍රේලියාවේ සුපිරි වෙළඳසැල් රාක්කවලින් ජනප්‍රිය කිරි සන්නාමයක් ඉවත් කිරීමට පියවර ගෙන තිබෙනවා.
ලිස්ටීරියා මොනොසයිටොජීන් [listeria monocytogenes] සමඟ ක්ෂුද්‍රජීවී දූෂණයක් පිළිබද පරීක්ෂණ මගින් අනාවරණය වීමෙන් පසු a2 කිරි සමාගමට එහි ලීටර් දෙකේ a2 සැහැල්ලු කිරි ප්‍රභේදය නැවත කැඳවන ලෙසටයි නියෝග කර ඇත්තේ.
ගර්භනී කාන්තාවන්, නූපන් ළදරුවන්, අලුත උපන් බිළිඳුන්, වැඩිහිටියන් සහ දුර්වල ප්‍රතිශක්තිකරණ පද්ධති ඇති අයට බැක්ටීරියා හේතුවෙන් දරුණු රෝගාබාධවලට ලක්වීමේ අවදානමක් පවතිනවා.
කෙසේ වෙතත්, ලිස්ටීරියා මොනොසයිටොජීන් වලින් දූෂිත ආහාර පරිභෝජනය කිරීමෙන් සාමාන්‍ය ජනතාව ද රෝගාතුර විය හැකි බවටයි අනතුරු අඟවා ඇත්තේ.
මේ අතර පාරිභෝගිකයින් සම්පූර්ණ මුදල් ආපසු ගෙවීමක් සඳහා අදාළ නිෂ්පාදන මිලදී ගත් ස්ථානයට ආපසු ලබා දිය යුතු අතර සෞඛ්‍යය ගැන සැලකිලිමත් වන පාරිභෝගිකයන් වෛද්‍ය උපදෙස් ලබා ගත යුතු බවට ද උපදෙස් ලබා දී තිබෙනවා.
