ඔස්ට්‍රේලියාවේ සිටින ශ්‍රී ලාංකික ශිෂ්‍යයින් හට සහයක් දැක්වීමේ අරමුණින් AusLanka මාධ්‍ය ජාලය නව වැඩපිළිවෙළකට සූදානම් වනවා.
AusLanka student club ලෙස හඳුන්වාදෙන මෙම වැඩසටහන තුළින්, ඕස්ට්‍රේලියාවේ ජීවත් වන ශ්‍රී ලාංකික සිසුන්ට සේවාවන් රැසක් ලබා දීමට අපේක්ෂා කරන අතර ඒ මගින් සිසුන් හුදෙකලාව මුහුණ දෙන ගැටළුවලට අවශ්‍ය විසඳුම් සඳහා යොමු විය යුතු නිවැරදි පාර්ශවයන් පිලිබඳ පුර්ණ දැනුවත්වීමක් ලබා ගත හැකියි .
AusLanka student club තුළින් ලබා දෙන සේවාවන් අතර, ඔස්ට්‍රේලියාව තුළ මානසික හෝ කායික පීඩනයන්ට මුහණ දී සිටින සිසුන්ට ඒ සඳහා යොමු විය යුතු බලයලත් පාර්ශවයන්ගේ සම්බන්ධීකරණය සහ මාර්ගෝපදේශනය ලබා දීම , නීතිමය උපදෙස් අවශ්‍ය සිසුන් සඳහා නිවැරදි මග පෙන්වීම , ගෘහස්ත හිංසනයෙන් වගේම අසාධාරණයන්ට ලක් වන සිසුන් කෙරෙහි නිවැරදි මග පෙන්වීම සහ රැකියා සොයා ගැනීමේ ගැටළු ඇති සිසුන්ට AusLanka business club මගින් ශ්‍රී ලාංකික ව්‍යාපාර ප්‍රජාව තුළ ඇති රැකියා අවස්ථා හඳුනාගෙන ඒ සඳහා ඔවුන් සම්බන්ධීකරණය කිරීම මෙහි ප්‍රමුඛ කාර්යයන් අතර වනවා.
තවදුරටත් , AusLanka Student club එකමුතුව හරහා ඔබට අවශ්‍ය ඕනෑම තොරතුරක් ලබාදීම හා රට තුළ සිදුවන Migration නීති වෙනස්කම් පිළිබඳවද දැනුවත් වීම සඳහා ඒ සුදුසකම් ලත් පාර්ශවයන් හා සම්බන්ධීකරණය සහ තොරතුරු ලබා දීම සිදු කෙරෙන අතර මෙය AusLanka මාධ්‍ය ජාලයේ නවමු සංකල්පයක් වනවා.
ශ්‍රී ලාංකික දුවා දරුවන් හුදෙකලා නොකර ඔවුන්ගේ සුරක්ෂිතභාවය සඳහා අවශ්‍ය මාර්ගෝපදේශනය සහ සම්බන්කධීකරණය තුළින් එකිනෙකාට සහය දැක්වීමේ අපේක්ෂාවෙන් ගොඩනැගුණු AusLanka Student club සමග එකතු වීමට ඔබටත් ආරාධනා.
මෙම Link එක මගීන් ඔබටත් අප හා එක් විය හැකියි. AusLanka Student Club
