මෙල්බන් Strathmore හි Brosnan Crescent ප්‍රදේශයේ ඇති වූ ගින්නකින් අසල්වැසි නිවාස දෙකක් ගිනි ගෙන විනාශ වී තිබෙනවා.
අද අලුයම 2 ට පමණයි ගින්න හටගෙන තිබුණේ.
එක් නිවසක ඉදිරිපස මාර්ගයේ නවතා තිබූ මෝටර් රථ දෙකක් සමඟ ගින්න ආරම්භ වන්නට ඇතැයි සැකපළ කරන අතර ටයරයක් පුපුරා ගොස් ඇති බවද පොලීසිය කියාසිටියා.
නිවාස දෙකෙහිම පදිංචිකරුවන් සියලු දෙනාටම පිටතට යාමට හැකි වී තිබෙනවා.
ගිනි නිවන භටයින් මේ වනවිට ගින්න පාලනය කර ඇති නමුත් නිවාසවලට දැඩි ලෙස හානි සිදුවී ඇති බවයි වාර්තා වන්නේ.
එක් නිවැසියෙක් පැවසුවේ ඔහු කුඩා කල සිටම වසර 26 ක් නිවසේ ජීවත් වූ බවයි.
ගින්නට හේතුව තවමත් විමර්ශනය කරමින් පවතිනවා.
ගිනි නිවන භටයින් පැවසුවේ කිසිදු නිවසක ගිනි අනතුරු ඇඟවීමක් ක්‍රියාත්මක වී නොමැති බවයි.
