26වන ආසියානු මලල ක්‍රීඩා ශූරතාවලියේදී අද (28) පැවති මීටර් 400 X 4 මිශ්‍ර සහාය දිවීමේ ඉසව්වේ ලෝකඩ පදක්කම ශ්‍රී ලංකාව දිනා ගෙන තිබෙනවා.
මේ අතර මීටර් 400 ඉසව්වේ ලෝකඩ පදක්කම ද ශ්‍රී ලංකාවේ කාලිංග කුමාරගේට හිමිවුණා.
26 වැනි ආසියානු මලල ක්‍රීඩා ශූරතාවලිය අද දකුණු කොරියාවේදී ආරම්භ වුණා.
අද සිට ලබන 31 වැනිදා දක්වා මෙම තරඟාවලිය පැවැත්වීමට නියමිත අතර මෙහි තරඟ ඉසව් රැසක් සඳහා ශ්‍රී ලංකා ක්‍රීඩක ක්‍රීඩිකාවන් 20 ක් ඉදිරිපත්ව සිටිනවා.
එහි මීටර් 100 ඉසව්වේ දෙවන මූලික තරගයට එක්වූ ශ්‍රී ලංකාවේ චමෝද් යෝධසිංහ තරගය තත්පර 10 .4 කින් එහි පළමුවැන්නා ලෙස තරගය අවසන් කළා.
ඒ අනුව ඔහු මීටර් 100 ඉසව්වේ අවසන් පූර්ව වටයට සුදුසුකම් ලබාගත් අතර එය හෙට පස්වරුවේ පැවැත්වීමට නියමිතයි.
එමෙන්ම ආසියානු මලල කී‍්‍රඩා ශූරතාවලියේ මීටර් 400 ඉසව්වේ මූලික වටයේ තෙවැනි තරගයට එක්වූ කාලිංග කුමාරගේ තරගය තත්පර 46.59 කින් නිමා කරමින් එහි දෙවැන්නා බවට පත්වුණා.
ඒ අනුව කාලිංග කුමාර මීටර් 400 ඉසව්වේ අවසන් පූර්ව වටයට සුදුසුකම් ලබාගත්තා.
