ඕස්ට්‍රේලියාවේ Hobart නගරයේ නව ආලෝක සංඥා පද්ධතියක් සම්බන්ධයෙන් ප්‍රදේශවාසීන් අතර දැඩි කතාබහට ලක්වී තිබෙනවා.
නගර මධ්‍යයේ bicycle head-start light එකක් මේ වනවිට ස්ථාපිත කර තිබෙනවා.
නව මාර්ග විශේෂාංගයක් ලෙස එය සවි කර ඇති අතර ඇතැම් රියදුරන් පවසන්නේ එය අනවශ්‍ය ක්‍රියාවක් බවයි.
Hobart නගර සභාව සහ ටස්මේනියා රජය එක්ව ක්‍රියාත්මක කරනු ලබන දෙවසරක “Transforming Collins Street” පරීක්ෂණ ව්‍යාපෘතිය යටතේ ක්‍රියාත්මක 700 m දිග Collins වීථිය වැඩිදියුණු කිරීම යටතේයි මෙය ක්‍රියාවට නංවා ඇත්තේ.
මෙම ව්‍යාපෘතියට වේග සීමා,බයිසිකල් මං තීරු,මාර්ගය දෙපස ආහාර පිසීමේ ඉඩ පහසුකම්, නව වාහන නැවතුම්පළවල් සහ බයිසිකල් සංඥා ආලෝකය ඇතුලත් වනවා.
City of Hobart හි ප්‍රායෝගික සහ නියාමන සේවා අධ්‍යක්ෂ Neil Noye පවසන්නේ මෙම නව ආලෝක නීතිය මගින් සියලු මාර්ග භාවිත කරන්නන්ට වැඩි ආරක්ෂාවක් හිමිවන බවයි.
