විදුලිය ඇනහිටීමක් හේතුවෙන් ක්වීන්ස්ලන්තයේ ගිනිකොනදිග හා කලාපීය (Regional) ප්‍රදේශවලට දැඩි බලපෑමක් එල්ලවී ඇත.
අවම වශයෙන් නිවාස 375,000 ක් වත් බලපෑමට ලක්ව ඇත.
බ්‍රිස්බේන් හරහා මාර්ග විදුලි පහන් සහිත මාර්ග මංසන්ධිවලින් ප්‍රවේශම් වන ලෙස රියදුරන්ගෙන් ඉල්ලා සිටී.
Energex විසින් දහවල් 2.30 ට පමණ ගැටලුව පිළිබඳ වාර්තා කරන ලදී.
විදුලිබල සමාගම මේ පිළිබඳව විමර්ශනය කරමින් සිටියද, ඇනහිටීමට හේතුව මේ දක්වා හෙළිවී නොමැත.
Energex පැවසුවේ ගෝල්ඩ් කෝස්ට් සිට Caboolture දක්වා වාර්තා ලැබී ඇති බවයි.
තවත් බලශක්ති සැපයුම්කරුවෙකු වන Ergon Energy පැවසුවේ ක්වීන්ස්ලන්තය පුරා “දස දහස් ගණනකට” මෙම ඇනහිටීම් බලපාන බවයි.
ගිනිකොනදිග ක්වීන්ස්ලන්ත කලාපයේ දුම්රිය සේවාවන්ට විදුලිය ඇනහිටීම් බලපා නොමැත.
දුම්රිය සේවා තවමත් නියමිත කාලසටහනක ක්‍රියාත්මකය.
