නිව් සවුත් වේල්ස් ප්‍රාන්තයේ ගංවතුරේ බලපෑම දේශීය සුපිරි වෙළඳසැල් වලටද එල්ල වන බැවින් ඕස්ට්‍රේලියානු ගැනුම්කරුවන්ට කිරි හිඟයකට මුහුණ දීමට සිදුවිය හැකි බවට වර්තා පල වනවා.
මෙහිදී මිල ඉහළ යාමකටද මුහුණදීමට සිදුවනු ඇති බවයි වාර්තා වන්නේ.
කිරි කර්මාන්තකරුවන් අනතුරු අඟවා ඇත්තේ ගංවතුරෙන් ගව රංචු සම්පූර්ණයෙන්ම අහිමි වී ඇති බවයි.
EastAusmilk හි ප්‍රධාන විධායක එරික් ඩැන්සි සදහන් කලේ කිරි සහ කිරි ආශ්‍රිත නිෂ්පාදනවල සැබෑ හිඟයක් ඇති විය බවයි.
එය පාරිභෝගිකයින්ට කෙසේ බලපායිද කියා මේ අවස්තාවේදී තමාට විස්තර කල නොහැකි බවයි එරික් ඩැන්සි කියා සිටියේ.
mid north coast ආශ්‍රිත ගොවීන් 100 ක් පමණ සිටින අතර ඔවුන්ට ගංවතුරෙන් විශාල බලපැමක් සිදුව තිබූ බව පෙන්වා දෙන එරික් ඩැන්සි සදහන් කලේ මෙම පිරිසෙන් අඩක් ඩොලර් මිලියන භාගයක පාඩු ලබා ඇති බවයි.
