මේ වසරේ මේ දක්වා දකුණු ඕස්ට්‍රේලියාවේ ඇති වූ දරුණුතම කාලගුණික තත්ත්වය ඊයේ ප්‍රාන්ත වෙරළ තීරයට බලපෑවා.
දූවිලි කුණාටුවක් හේතුවෙන් ප්‍රාන්තයේ ඇතැම් ප්‍රදේශ අඳුරට ඇද වැටුණු අතර ඇඩිලේඩ් හි ග්‍රේන්ජ් හි විදුලි රැහැන් කැඩී ගිය බවද වාර්තා වනවා.
දූවිලි කුණාටු Sturt අධිවේගී මාර්ගය ඇතුළු ග්‍රාමීය මාර්ග රැසක භයානක තත්ත්වයන් ඇති කර තිබුණා.
කුණාටුව හේතුවෙන් රිය අනතුරු මෙන්ම ඇතැම් මාර්ග වසා දැමීමට පොලීසියට සිදුවුණා.
දකුණු ඔස්ට්‍රේලියා පොලීසිය පසුව රියදුරන්ගෙන් ඉල්ලා සිටියේ හෙඩ්ලයිට් දල්වා ධාවනයේ යෙදෙන ලෙසයි.
මෙම කාලගුණ විපර්යාසය නියගයෙන් පීඩාවිඳින ගොවීන්ට තවත් පහරක් වූ බවයි ඔවුන් මැසිවිලි නගන්නේ.
කාලගුණ විද්‍යා කාර්යාංශය පැයට කිලෝමීටර 90 ට වැඩි අනතුරුදායක සුළං පුරෝකථනය කළ අතර එය දකුණු ඕස්ට්‍රේලියාව, වික්ටෝරියා, නිව් සවුත්වේල්ස් හිම කඳු සහ ACT හි ඇතැම් ප්‍රදේශවලටද හානි දායක වනු ඇති බවයි අනතුරු ඇඟවූයේ.
කෙසේවෙතත් දූවිලි කුණාටුව අද දිනයේ සිඩ්නි කැන්බරා සහ ACT සහ NSW හි ප්‍රදේශ කිහිපයකට යම් තරමක් බලපානු ඇති බවයි පුරෝකථනය කර ඇත්තේ.
