බදු ගෙවන්නන් සිදුකරන විශාලතම හා පොදු වැරදිවලින් එකක් ඔස්ට්‍රේලියාවේ විශාලතම ගිණුම්කරණ ආයතනය වන CPA Australia අනාවරණය කර තිබෙනවා.
ඔවුන් පවසන්නේ කලින් තම tax return ඉදිරිපත් කිරීමට ඉක්මන් වීම අවාසි සහගත බවයි.
නිදසුනක් ලෙස, පසුගිය වසරේ ATO සංඛ්‍යාලේඛනවලට අනුව, ජූලි 23 වන විට මිලියන තුනක් පමණ ජනතාවක් තම tax return ගොනු කර ඇති අතර, අගෝස්තු 20 වන විට එය මිලියන 5.8 දක්වා ඉහළ ගොස් තිබෙනවා.
නමුත් CPA ඕස්ට්‍රේලියානු බදු ප්‍රධානී ජෙනී වොන්ග් බදු ගෙවන්නන්ගෙන් ඉල්ලා සිටියේ ජීවන වියදම් පීඩනය හේතුවෙන් ඇතමුන් tax return ලබාගැනීමට ඉක්මන්වීම වුවද එසේ නොකළ යුතු බවයි.
ඉක්මනින් ප්‍රතිලාභ ගොනු කළ පුද්ගලයින්ට පසුව ඒවා සංශෝධනය කිරීමට සිදුවීම සාමාන්‍ය දෙයක් බවට දැන් පත්ව ඇති බව වොන්ග් පැවසුවා.
CPA බදු ප්‍රධානී පෙන්වාදෙන්නේ මේ වසරේ වියදම් පිළිබඳව සලකාබලා මේ වසරේ claims කළ යුතු දෑ පිළිබඳ අවධානය යොමුකළ යුතු බවයි.
එමෙන්ම බදු ප්‍රතිලාභය සකස් කිරීමේදී AI උපදෙස් භාවිතා කිරීම නොකළ යුතු බවයි ඇය තරයේ කියාසිටියේ.
