නිකුත් කරන ලද සංඛ්‍යාලේඛන වලට අනුව ඔස්ට්‍රේලියාවේ විවිධ ප්‍රදේශවල විදුලි මිල 0.5% සිට 9.7% දක්වා ඉහළ යාමට නියමිත බව බලශක්ති නියාමක ආයතනය වාර්තා කර තිබෙනවා.
මෙම මිල වැඩි වීමේදී පාරිභෝගිකයින්ට දැරිය හැකි මිල, සමස්ත පද්ධතියේ පිරිවැය සහ ලාභය ලබා ගැනීම වැනි ගැටළු සැලකිල්ලට ගනු ලබනවා.
මෙයින් New South Wales හි පාරිභෝගිකයින්ට වැඩිම බලපෑම සිදු වන අතර, සාමාන්‍ය ගෘහස්ථ පාරිභෝගිකයින්ට 8.5% සිට 9.1% දක්වා ත් කුඩා ව්‍යාපාර සඳහා 7.9% සිට 8.5% දක්වාත් මිල වැඩිවීමට නියමිතයි.
විකටෝරියානු ගෘහස්ථ පාරිභෝගිකයින්ට 1%කින් සහ කුඩා ව්‍යාපාර සඳහා 3%කින් මිල වැඩි වීමක් සිදුවනවා.
Queensland හි සාමාන්‍ය ගෘහස්ථ පාරිභෝගිකයින්ට 3.7%කින් සහ කුඩා ව්‍යාපාර සඳහා 0.8%කින් පමණ මිල වැඩි වනවා.
තවද දකුණු ඔස්ට්‍රේලියාවේ සාමාන්‍ය පාරිභෝගිකයින්ට 3.2% කින් මෙන්ම කුඩා ව්‍යාපාර සඳහා 3.5% කින් මිල වැඩිවීමක් අපේක්ශා කරනවා.
සියලුම මිල වැඩිවීම් ජූලි 1 වන දින සිට ක්‍රියාත්මක වීමට නියමිතයි.
