මෙල්බන් නිවසක හටගත් ගින්නකින් තරුණයින් දෙදෙනෙකු සහ කාන්තාවක බරපතල තත්වයේ පසුවනවා.
ඊයේ රාත්‍රී 10 ට පමණ චැඩ්සන් හි ටෙරිගල් වීදියේ පිහිටි දෙමහල් නිවසකයි මෙම ගින්න හටගැනුණේ.
ගිනිදැල් මැදින් නිවසට ඇතුළු ගිනි නිවන භටයින්ට මොවුන් තුන්දෙනා හමුවී තිබෙනවා.
ගැහැණු දරුවන් ප්‍රාථමික පාසල් යන වයස්වල පසුවූ අතර කාන්තාව වයස අවුරුදු 30 ක පමණ වන බවයි පොලීසිය පවසන්නේ.
අසාධ්‍ය තත්වයේ පසුවූ ගැහැණු ළමුන් රාජකීය රෝහලට ඇතුලත් කර ඇති අතර කාන්තාව ඇල්ෆ්‍රඩ් රෝහලට ඇතුලත් කර තිබෙනවා.
ගිනි නිවන භටයින් විනාඩි 35 කින් පමණ ගින්න මැඩපවත්වා ඇති බව සඳහන්.
ගිනි නිවන ඒකකය පවසන්නේ ගින්නෙන් දෙවන මහලේ නිදන කාමර විනාශ වී ඇති බවයි.
ගින්නට හේතුව සොයා බැලීමේදී පොලිසිය ගින්න සැක සහිත බව විශ්වාස කරනවා.
ගින්න පිළිබඳ වික්ටෝරියා පොලීසිය වැඩිදුර විමර්ශන සිදුකරනවා.
