සිඩ්නි මගීන්ට ලබන සතියේ එක් දිනයක නොමිලේ ගමන් කිරීමේ අවස්ථාව ලබාදීමට රජය තීරණය කර තිබෙනවා.
ඒ අද දින බොහෝ දුම්රිය මාර්ගවල අවුල් සහගත බාධා අඛන්ඩව පැවති බැවින්.
ඒ වෙනුවට ලබන සඳුදා ගාස්තු රහිත දිනයක් වනු ඇතැයි අගමැති ක්‍රිස් මින්ස් 2GB වෙත පවසා සිටියා.
සිඩ්නි දුම්රිය සේවය තහවුරු කර ඇත්තේ Strathfield හි පවතින විදුලිබල සැපයුම් ගැටළු හේතුවෙන් අද උදෑසන නගරය පුරා දුම්රිය ප්‍රමාද වන බවයි.
X හි සටහනක් මගින් ඔවුන් සඳහන් කර ඇත්තේ ඇතැම් දුම්රිය ගමන් ක්‍රියාත්මක වුවද ගමන් වාර අඩුකර සාමාන්‍ය කාලසටහනට ධාවනය කළ නොහැකි බවයි.
එබැවින් අත්‍යවශ්‍ය නොවන ගමන් ප්‍රමාද කරන මෙන් ඔවුන් මගීන්ට ඉල්ලා තිබෙනවා.
ඊයේ පස්වරුවේ හෝම්බුෂ් අසල විදුලි රැහැන් සම්බන්ධ ගැටලුවක් හේතුවෙන් සිඩ්නි දුම්රිය ජාලයෙන් සියයට 80 ක ප්‍රමාදයන් සිදුවුණා.
