කම්කරු පක්ෂයේ බලශක්ති බිල්පත් සහනය සඳහා වන දීර්ඝ කිරීම් අයවැයෙන් අයවැයට සලකා බලන බව ප්‍රධාන අමාත්‍යවරුන් දෙදෙනෙකු පවසා තිබෙනවා.
ඇල්බනීස් රජය මාර්තු මාසයේදී ජීවන වියදම් සහනයද තවත් මාස හයකට දීර්ඝ කරනු ලැබුවා.
මේ අතර ජීවන වියදම් සදහා මේ වනවිට පවතින ප්‍රතිපත්තිය 2025 අවසානය දක්වා ඩොලර් බිලියන 3.5 ක වියදමින් ක්‍රියාත්මක කිරීමටද සැලසුම් කර තිබුනා.
මාස 6 කින් පසුව ඒ සම්බන්ධයෙන් ගන්නා තීරන මෙතෙක් පැහැදිලි කර නැහැ.
ජීවන වියදම් සහනය ලබා දීමට අවශ්‍ය වී තිබෙන නමුත් එය අඛණ්ඩ ගෙවීමක් නොවීම නිසා එය මාස හයකින් දීර්ඝ කල බව අමාත්‍යවරුන් සදහන් කර තිබෙනවා.
සෑම අයවැයකින්ම ජීවන වියදම් සදහා පීඩනයක් ඇති පුද්ගලයින්ට උපකාර කළ හැකි ආකාරය සැමවිටම සොයා බලන බවයි ඔවුන් පෙන්වා දුන්නේ.
මේ අතර, සමාජ සේවා අමාත්‍යවරිය ලෙස කටයුතු කළ අමන්ඩා රිෂ්වර්ත්, පසුගිය සතියේ කැබිනට් සංශෝධනයේදී සදහන් කලේ දෙසැම්බර් දක්වා බලශක්ති සහන ලබා දීම ඇල්බනීස් රජයේ මැතිවරණ පොරොන්දුවක් බවයි.
