නිව් සවුත් වේල්ස් වෙරළ තීරයේ වැසි සහ සුළං හේතුවෙන් ගංවතුර අනතුරු ඇඟවීමක් නිකුත් කර තිබෙනවා.
ඇතැම් ප්‍රදේශ ආශ්‍රිතව පවතින අධික වර්ෂාව හේතුවෙනුයි මෙලෙස අනතුරු ඇඟවීමක් නිකුත් කර ඇත්තේ.
අද සිට Hunter and Mid North Coast ආශ්‍රිතව තද වැසි සහ හානිදායක සුළං ඇති විය හැකි බවටද කාලගුණ විද්‍යා කාර්යාංශය අනතුරු අඟවා ඇති අතර, සිඩ්නි නගරයට ද වැසි සහිත කාලගුණයක් ඇති විය හැකි බවද සදහන් කර තිබෙනවා.
NSW State Emergency Service (SES) පැවසුවේ නිව් සවුත් වේල්ස් හි උතුරේ කොටස් වලට මිලිමීටර් 180 ක් දක්වා වූ වර්ෂාපතනයක් ඇති විය හැකි බවයි.
පැයට කිලෝමීටර 50 සිට 60 දක්වා සහ පැයට කිලෝමීටර 90 දක්වා තද සුළං ඇති විය හැකි බවද කාලගුණ විද්‍යා කාර්යාංශය පවසනවා.
කාර්යාංශයේ සහකාර කොමසාරිස් ෂෝන් කර්න්ස් පැවසුවේ ගංගා සහ ඇළ දොළ වල ජල මට්ටම්ද ඉහළ යමින් පවතින බවයි.
Hunter, Williams, Patterson, Myall, Manning, Nambucca, Gloucester, Bellingen සහ Orara යන ගංගා මේ වන විටත් පිටාර මට්ටමට පැමිණීමෙන් තිබෙන බවද කාළගුන විද්‍යා කාර්යාංශය සදහන් කර තිබෙනවා
