එක්සත් ජනපදයේ Midwest සහ South ප්‍රදේශ හරහා හමාගිය දරුණු ටෝනේඩෝ සුළි කුණාටුවකින් මේ වනවිට පුද්ගලයින් 27 දෙනෙකු මියගොස් තිබෙනවා.
මරණ සංඛ්‍යාවද තවත් ඉහළ හැකි බවයි ඇමරිකා වාර්තා පවසන්නේ.
තුවලා ලැබූවන්ගේ සංඛ්‍යාව 50 ට ආසන්න වනවා.
Kentucky ප්‍රදේශයට බලපෑ ටෝනේඩෝවෙන් නිවාසවලට දැඩි හානි සිදුවී වාහන පෙරළී ගොස් ඇති අතර බොහෝදෙනෙකුට නිවාස අහිමිවී ඇති බවද සඳහන්.
ප්‍රදේශ රැසක මාර්ග වසා දමා ඇති අතර ඇතැම් මාර්ග නැවත විවෘත කිරීමට දින කිහිපයක් ගතවනු ඇති බව බලධාරීන් පවසනවා.
ප්‍රාදේශීය උසස් පාසලක හදිසි නවාතැනක් පිහිටුවා ඇති අතර ආහාර සහ අනෙකුත් අවශ්‍යතා රජය විසින් සපයනු ලබනවා.
