සුළං ටර්බයිනයක් ප්‍රවාහනය කල ට්‍රක් රථයක් Mount Crosby පාලමේ ගැටී සිරවීම නිසා Warrego අධිවේගී මාර්ගය වසා දමා තිබෙනවා.
අනතුරින් ජීවිත හානි කිසිවක් සිදුවී නොමැති අතර දිගු ප්‍රමාදයන් ඇතිවිය හැකි බැවින් අධිවේගී මාර්ගය භාවිතයෙන් වැළකී සිටින ලෙස පොලිසිය ඉල්ලා සිටියා .
අධිවේගී මාර්ගයේ නැගෙනහිර දෙසට ඇති මංතීරුව විවෘතව පැවතියද බටහිර දෙසට යන රථවාහන Mount Crosby පාරේ පිටවීම දෙසට හරවා යවන බවද පොලීසිය දන්වා සිටියා.
ටර්බයිනය දැනට පාලම නොවැටී තිබීමට ආධාරකයක් ලෙස තිබෙන නිසා ඉංජිනේරුවන් සමග එකතු වී ඉවත්කිරීම් කටයුතු කඩිනම් කිරීමට නියමිතව තිබෙනවා.
Queensland ප්‍රවාහන හා ප්‍රධාන මාර්ග දෙපාර්තමේන්තුව පැවසුවේ හානියේ ප්‍රමාණය තීරණය කිරීම සඳහා පරීක්ෂණ සිදු කරමින් කාර්ය මණ්ඩලය එම ස්ථානයේම සිටින බවයි.
ට්‍රක් රථය Qube Holdings සමාගමට අයත් වන අතර මෙම සිදුවීම සම්බන්දව බලධාරීන් සමඟ සහයෝගයෙන් කටයුතු කරන බව සමාගම ප්‍රකාශ කර සිටියා.
රථවාහන පාලනය සහ අනතුරු ඇඟවීමේ සංඥා ක්‍රියාත්මක වන බැවින් මාර්ගයට ඇතුලු වීමට පෙර ඒවා පරීක්ෂා කරන ලෙස ජනතාව දැනුවත් කර තිබෙනවා.
