Richmond නිම්නයේ Summerville සූර්ය බලාගාරය New south wales ප්‍රාන්ත රජය විසින් අනුමත කර තිබෙනවා.
මෙගාවොට් 90 ක විදුලියක් ඉන් නිපදවාගැනීමට හැකි වනු ඇතැයි අපේක්ෂා කරනවා.
Rappville හි පිහිටුවීමට නියමිත $ මිලියන 312 ක ව්‍යාපෘතියක් වන බලාගාරයෙන් නිවාස 36,000 ක් පමණ බල ගැන්වීමට ප්‍රමාණවත් ශක්තියක් ජනනය කරනු ලබනවා.
එය ප්‍රදේශය සඳහා යෝජනා කර ඇති විශාල සූර්ය බලාගාර තුනෙන් එකක් වන අතර අනෙක් දෙක තවමත් සැලසුම් අදියරේයි පවතින්නේ.
මෙම ව්‍යාපෘතිය මඟින් රැකියා 200 ක් පමණ නිර්මාණය කිරීම අපේක්ෂා කෙරෙනවා.
බලාගාරය අවට මීටර් 10ක ආරක්ෂිත සීමාවක් ස්ථාපිත කිරීම සහ ප්‍රාදේශීය රථවාහන හා පරිසරය පිළිබඳ බලපෑම් අවම කිරීම සඳහා විශේෂ ක්‍රියාමාර්ග ගැනීම වැනි නීතිමය කොන්දේසි යටතේ බලාගාරය ඉදි කිරීමට නියමිතයි.
