වික්ටෝරියාවේ Coles සුපිරි වෙළඳසැලේදී කාන්තාවකට සිදුවූ අපහාසාත්මක සිදුවීමක් පිළිබඳ මාධ්‍ය වාර්තා පළකරනවා.
ඇය විසින් Aldi වෙතින් මිලදී ගත් සිල්ලර බඩු පිරවූ ට්‍රොලියක් සමඟ කෝල්ස් වෙත ගොස් තිබෙනවා.
මෙම කාන්තාව Coke cans 30 ක පැක් එකක් සොරකම් කර ඇති බවටයි කෝල්ස් ආරක්ෂක අංශ විසින් චෝදනා කර ඇත්තේ.
කාන්තාව පවසන්නේ තමන් ඒවා සොරකම් නොකළ බව හා Aldi වෙතින් Coke cans මිලදී ගත් බවයි.
පසුව එය ඔප්පු කිරීමට කෝල්ස් හි ආරක්ෂක අංශ Aldi වෙළඳසලෙන් මිලට ගත් භාණ්ඩවල රිසිට්පත ඉල්ලා තිබුණා.
ඒ වනවිට ඇය සතුව රිසිට්පත තිබී නොමැති අතර ඇය කියාසිටියේ මිල අධික ගෙවීමකට මිස තමන් රිසිට්පත් තබා නොගන්නා බවයි.
කෙසේවෙතත් නීතීඥයෙකු කියාසිටියේ සුපිරි වෙළඳසැල්වලට පාරිභෝගිකයෙකුගේ රිසිට්පතක් ඉල්ලීමට බලයක් නොමැති බවයි.
ඔවුන්ට කළ හැක්කේ පොලීසිය සම්බන්ධ කර ගැනීම පමණක් වන අතර පාරිභෝගිකයින්ගේ කැමැත්තට එරෙහිව රඳවා තබා ගැනීම නීති විරෝධී බවයි නීතීඥවරයා පෙන්වාදෙන්නේ.
